«Кыргызстан – Бириккен Араб Эмираттары» бизнес-форуму

2022-жылдын 1-июнунда LEX юридикалык фирмасынын юристи Исаев Атай «Кыргызстан – Бириккен Араб Эмираттары» бизнес-форумуна катышты.

Бул форум Кыргыз Республикасынын Президентине караштуу Улуттук инвестициялык агенттик (мындан ары – УИА) тарабынан уюштурулган.

Бизнес-форумга жергиликтүү компаниялардын өкүлдөрү менен катар: БАЭнин экономика министри Абдулла бин Таук Аль-Марри, БАЭнин Соода-өнөр жай палатасынын төрагасы Абдулла М., авиация, энергетика, соода, инвестиция жана өнөр жай сыяктуу ар түрдүү тармактардагы БАЭнин алдыңкы компаниялары катышты.

Бизнес-форумдун максаты Кыргыз Республикасына инвестиция тартуу болгон. УИАнын директору БАЭ компанияларын аймактар аралык кызматташууга жана Кыргыз Республикасынын экономикасынын артыкчылыктуу тармактарына: энергетика, өнөр жай, айыл чарба, туризм жана саламаттыкты сактоо тармагына инвестиция тартууга чакырды.

«Кыргызстан – Бириккен Араб Эмираттары» бизнес-форумунун аянтчасында ата мекендик экспортерлор жана ишкерлер үчүн БАЭнин 20дан ашык компаниялардын өкүлдөрү менен B2B форматындагы жолугушуулар уюштурулуп, анда өз ара кызыкчылык туудурган ишкерлердин ортосунда ишкердик мамилелер түзүлдү.