EXPO-RUSSIA KYRGYZSTAN 2022 бизнес форуму жана көргөзмөсү

2022-жылдын 21-июнунан 23-июнуна чейин Бишкекте EXPO-RUSSIA KYRGYZSTAN 2022 биринчи эл аралык өнөр жай көргөзмөсү, EXPO EURASIA 2022 жана Бишкек бизнес форуму болуп өттү, анда LEX юридикалык фирмасы бул бизнес форумга катышкандыгы үчүн диплом менен сыйланган.

Ачылыш аземине Кыргыз Республикасынын Министрлер Кабинетинин Төрагасынын орун басары Бакыт Төрөбаев, Кыргыз Республикасынын Соода-өнөр жай палатасынын президенти Марат Шаршекеев, Кыргыз Республикасынын Президентине караштуу Улуттук инвестициялык агенттиктин директору Равшан Сабиров, Россия Федерациясынын Кыргызстандагы убактылуу ишенимдүү өкүлү Вадим Гусев, «Зарубеж ЭКСПО» ААКнын өкүлдөрү жана башка расмий өкүлдөр катышты.

Көргөзмөнүн максаты ата мекендик бизнести колдоо, биргелешкен ишканаларды түзүү жана инвестиция тартуу болгон.

Кыргыз Республикасынын Президентине караштуу Инвестициялар боюнча Улуттук агенттиктин экспортту өнүктүрүү жана илгерилетүү бөлүмүнүн башчысы Тилек Жумалиевдин айтымында, Форум Кыргызстан менен Россиянын ортосундагы соода-экономикалык кызматташтыкты кеңейтүүгө, ошондой эле потенциалдуу өнөктөштөрдү, сатып алуучуларды издөөгө, өнөр жай кооперациясын жана өндүрүштү түзүүгө көмөк көрсөтүүгө багытталган.

Программага "Евразия, Кыргызстан жана ЕАЭБ — кызматташтыктын учурдагы жана жаңы форматтары" пленардык отуруму, ошондой эле тематикалык тегерек столдор киргизилген.

“Expo-Russia Kyrgyzstan 2022/Expo Eurasia 2022” биргелешкен көргөзмөсү Бишкек бизнес-форуму менен коштолуп, катышуучулар кызматташуунун жолдорун талкуулап, B2B форматында жолугушууларды өткөрүштү.

Белгилей кетсек, КР Соода-өнөр жай палатасы менен «Зарубеж ЭКСПО» ААКсы көргөзмөлөрдү өткөрүү боюнча кызматташуу Меморандумуна кол коюшту. Аны жыл сайын июнь айында өткөрүү чечими кабыл алынды. Ушуга байланыштуу биз бардыгын жаңы бизнес мамилелери менен куттуктайбыз жана аларга ийгилик каалайбыз!