Литва-кыргыз бизнес форуму

Литванын транзиттик компаниялары Кыргызстан үчүн “Европага терезе” болууну сунуштап жатышат. Бул тууралуу 2022-жылдын 16-июнунда Бишкекте Литва Республикасынын Алматы шаарындагы Башкы консулу Гвидас Керушаускас, Литва Республикасынын Тышкы иштер министрлигинин өзгөчө тапшырмалар боюнча элчиси Андриус Пулокос, ошондой эле Кыргыз Республикасынын Соода-өнөр жай палатасынын вице-президенти Элмира Батаеванын катышуусунда өткөн литва-кыргыз бизнес форумунда айтылды.

Кыргыз Республикасынын Соода-өнөр жай палатасынын активдүү мүчөсү катары LEX юридикалык фирмасы Литванын автоунаа ташуучулар Улуттук ассоциациясынын, Литванын өнөр жайчылар конфедерациясынын ишкерлер кеңешинин, ири логистикалык жана транзиттик компаниялардын, жеткирүүчүлөрдүн, сатып алуучулардын, ошондой эле Кыргызстандын ишкер өкүлдөрү менен бирге бул иш-чарага катышты.

Литва транспорттук-логистикалык кызмат көрсөтүү боюнча Европада лидерлердин бири экени, транспорттун бардык түрлөрүнүн өнүккөн системасы бар жана Кыргызстандын айдоочуларынын алдында жаңы кадрларга терең кызыкдар экендиги белгиленди. Бул фактор Литва менен Кыргызстандын ортосунда жумушка орношуу жана тажрыйба алмашуу үчүн чоң мүмкүнчүлүк боло алат.

Белгилей кетсек, литвалык бизнес Кыргызстандан болоттон жасалган буюмдарды, мунай заттарын, жер семирткичтерди, дан эгиндерин, пахтаны, тоют кошумчаларын, жеңил жана башка өнөр жай үчүн химиялык заттарды, кездемелерди алып келүүгө чоң кызыгуу көрсөттү.

Бул форумда Кыргыз Республикасынын “АМАП КР” эл аралык автотранспортчулар ассоциациясы менен Литванын “LINAVA” улуттук автотранспортчулар ассоциациясынын ортосунда Меморандумга кол коюлду.

Бизнес-делегациялардын жолугушуусу акырындык менен B2B форматына айланып, анда эки өлкөнүн ишкерлеринин өнүгүү келечеги боюнча көптөгөн сүйлөшүүлөр жана талкууларды жүргүзүштү.

LEX юридикалык фирмасы Кыргыз Республикасынын Соода-өнөр жай палатасына бул бизнес-форумга катышуу мүмкүнчүлүгү үчүн терең ыраазычылыгын билдирет.