Татарстан Республикасынын жана Башкыртстан Республикасынын ишкерлеринин бизнес-миссиясы

2022-жылдын 1-августунан 8-августуна чейин Татарстан Республикасынын Соода-өнөр жай палатасы Башкортостан Республикасынын Соода-өнөр жай палатасы менен биргеликте эки республиканын ишкерлери үчүн Кыргыз Республикасына бизнес миссиясын уюштурду.

Делегациянын иш сапары Кыргыз Республикасынын борборунда 2022-жылдын 3-августунда «Шератон» мейманканасында болуп, ага LEX юридикалык фирмасынын юристи Атай Исаев катышты.

Делегацияны "Татарстан Республикасынын Соода-өнөр жай палатасы" союзунун төрагасы Шамиль Агеев жана Башкырстан Республикасынын Соода-өнөр жай палатасынын президенти Тимур Хакимов, "Татарстан Республикасынын Соода-өнөр жай палатасы" Союзунун төрагасынын орун басары Марат Ахматов жетектешти. Ошондой эле, бул иш-чарага Кыргыз Республикасынын Министрлер кабинетинин төрагасынын орун басары Эдил Байсалов, Кыргыз Республикасынын Соода-өнөр жай палатасынын президенти Марат Шаршекеев, Кыргыз Республикасынын Президентине караштуу Инвестициялар боюнча Улуттук агенттиктин директорунун орун басары Нуржан Бардинова катышты.

Делегациянын курамында курулуш материалдарын жана өнөр жай жабдууларын, эмеректерди, трикотаж буюмдарын, жумушчу кийимдерди, азык-түлүк чийки затын, өсүмдүк майын өндүрүүчүлөр, ошондой эле эл аралык транспорттук компаниялар, онлайн билим берүү ж.б. болду.

Кыргыз Республикасынын Соода-өнөр жай палатасынын президенти Марат Шаршекеев Татарстан менен Башкырстан Кыргызстанга жакын элдер экендигин жана өлкөлөр ортосундагы соода-экономикалык кызматташтыкты чыңдоону колдоорун белгиледи. Жалпысынан, үч республиканын палаталарынын башчылары бул жолугушуудан келишимдерди жана контракттарды түзүүдө максималдуу пайда алууга умтулуу тилектештигин билдиришти.

Андан ары ата мекендик экспортерлор жана үч өлкөнүн 70ке жакын ишкерлери үчүн 50дөн ашык компаниялардын өкүлдөрү менен B2B жолугушуулары уюштурулуп, анда LEX юридикалык фирмасы катышып, өз ара кызыкчылык жараткан бизнес чөйрөлөрдө ишкердик байланыштарды түзүүгө жана көмөк көрсөтүүгө жаңы мүмкүнчүлүктөрдү ачты.