LEX юридикалык фирмасынын түзүлгөн күнүнө карата уюштурулуп жаткан эл аралык шахмат турнирине чакырабыз.

LEX юридикалык фирмасы Кыргыз шахмат союзунун колдоосу менен сиздерди LEX юридикалык фирмасынын түзүлгөн күнүнө карата уюштурулуп жаткан эл аралык шахмат турнирине катышууга чакырат.

Бул иш-чара кесиптештер менен таанышуу жана расмий эмес баарлашуу, тажрыйба алмашуу, жалпы кызыкчылыктарды издөө, ошондой эле потенциалдуу кардарлар менен жолугушуу үчүн эң сонун аянтча болот деп ишенебиз.

• Турнирдин күнү: 2022-жылдын 22-октябры
• Өтүүчү жери: Онлайн, Lichess.org платформасы
• Катышуучуларды каттоо: 9:30-10:30.
• Турнир саат 11:00дө башталат.

Жеңүүчүлөргө демөөрчүлөрдөн сыйлыктар жана белектер күтөт!

Калыстар тобу

Мелдеште Кыргыз шахмат союзунун башкы судьясы жана анын эки орун басары калыстык кылат.

Өткөрүү системасы

Мелдеш ФИДЕнин эрежеси боюнча тез шахмат боюнча өткөрүлөт.

Чемпионат Lichess.org оюн аянтчасында швейцариялык система боюнча 7 тур менен өткөрүлөт. Чучукулак сайттын системасы боюнча өткөрүлөт. Убакытты контролдоо-партиянын аягына чейин ар бир катышуучуга 10 мүнөт, биринчисинен баштап жасалган ар бир кадамга 2 секунд кошулат.

Жеңүүчүлөрдү аныктоо

Жеңүүчүлөр бардык оюндарда топтолгон упайлардын эң көп саны боюнча аныкталат. Тең чыккан учурда сайттын кошумча көрсөткүчтөрү эске алынат.

Катышуу шарттары

Турнирге катышуу үчүн: 2022-жылдын 20-октябрына чейин шилтемени басып, билдирүү толтуруу керек:

https://forms.gle/Nyn3QFWCkkfZu5FFA

Турнирге катышуу акысыз.

Турнир тууралуу кененирээк маалымат алуу үчүн төмөнкү телефондорго байланышсаныз болот:

+996 (312) 62-08-16, +996 (555) 77-72-95 же [email protected] электрондук дарегине.