IBC TradEx 2023

2023-жылдын 27-апрелинде LEX юридикалык фирмасы тышкы сооданы өнүктүрүүгө арналган иш-чарасына катышты. Аталган иш – чара Эл аралык ишкерлер кеңеши тарабынан уюштурулган.

Бул тышкы соода жүргүзүүдө Кыргызстандын ишкерлери үчүн азыркы учурда жеткиликтүү болгон соода преференцияларын көрсөтүүгө багытталган Кыргызстандагы алгачкы иш-чара болду.

IBS Trade2023 жаңы рынокторго чыгууга даяр бизнестин өкүлдөрүн жана негизги мамлекеттик органдарды, элчиликтерди, эл аралык уюмдарды, ардактуу консулдарды, тиешелүү өнүктүрүү программаларын бир жерге чогулта алды.

Европа Биримдигинин преференцияларынын Генералдык системасы (GSP+), өнүгүп келе жаткан өлкөлөр үчүн Улуу Британиянын соода схемасы (DCTS), ошондой эле Кыргызстандын Бүткүл дүйнөлүк соода уюмунда (БСУ) жана Евразия экономикалык биримдигинде (ЕАЭБ) мүчөлүгүнүн артыкчылыктары баяндалды.

Мындан тышкары, биздин өнөктөш, аткаруучу директор – Андрей Ли панелдик сессияда сөз сүйлөп, LEX юридикалык фирмасы кайсы тармактарда бизнес визаларын алууда колдоо көрсөтөт деген суроолорго жооп берди жана ар кайсы өлкөлөргө бизнес иммиграциясынын мүмкүнчүлүктөрү тууралуу кеңири айтып берди.

LEX юридикалык фирмасы иш-чаранын уюштуруучуларына, алардын зор эмгегине, тажрыйба алмашуу жана өз программалары жөнүндө кеңири аудиторияга жайылтуу үчүн ушундай мыкты аянтча түзгөндүгү үчүн ыраазычылыгын билдирет.