Омск облусунун делегациясынын Кыргыз Республикасына болгон иш сапары

2023-жылдын 20-апрелинде LEX юридикалык фирмасы өнөктөштөрдү издөө жана сооданы жөнгө салуу максатында Кыргыз Республикасынын Соода-өнөр жай палатасы (мындан ары-КР СӨЖП) жана Омск облусунун Соода-өнөр жай палатасы менен биргеликте орусиялык жана кыргызстандык компанияларынын ортосунда уюштурулган бизнес-форумга катышты.

Россия Федерациясынын атынан делегацияны Омск облусунун өкмөтүнүн төрагасынын биринчи орун басары Дмитрий Ушаков жетектеп келди. Делегациянын курамына Омск шаарынын ири бизнес өкүлдөрү жана жогорку окуу жайларынын өкүлдөрү да кирди. Бизнес-форумга Кыргыз Республикасы тарабынан Президенттик Аппараттын өкүлдөрү, ошондой эле Чүй облусунун жетекчиси жана башкалар катышты.

КР СӨЖПнын жетекчиси Темир Сариев өз сөзүндө Орусия Кыргызстан үчүн стратегиялык гана өнөктөш эмес, союздашы да экенин белгиледи. Ал ошондой эле КР СӨЖП экономикалык кызматташтыкты кеңейтүүгө чоң көңүл буруп, эки өлкөнүн ишкер чөйрөлөрүнүн ортосундагы кызматташтык көпүрөсүн бекемдөөгө умтулуп жатканын баса белгиледи.

Иш-чаранын алдыңкы катышуучулары чыгып сүйлөгөндөн жана россиялык 16 компаниянын ишмердүүлүгүн чагылдырган видео-презентациядан кийин, алар айыл-чарба техникаларын өндүрүү, стандарттуу эмес технологиялык жабдууларды жана программалык продуктуларды иштеп чыгуу жана киргизүү, тигүү өндүрүшү, дан сатуу, акшак жана макарон азыктарын өндүрүү, үрөн өндүрүү, саламаттык сактоо, билим берүү, туризм жана башка көптөгөн тармактарды сунушташты, Кыргызстандын бизнес-коомчулугунун өкүлдөрү менен эки тараптуу жолугушуулар болуп өттү.

Эки тараптуу сүйлөшүүлөр форматында LEX юридикалык фирмасынын өкүлдөрү бизнес форумдун делегат компанияларынын жетекчилери менен сүйлөшүүлөрдү жүргүзүштү. Натыйжада, LEX юридикалык фирмасы өз ара кызыкчылык туудурган россиялык бизнес чөйрөлөрүндө бизнес мамилелерди илгерилетүү жана орнотуу үчүн жаңы мүмкүнчүлүктөрдү ачты.

LEX юридикалык фирмасы Кыргыз Республикасынын Соода-өнөр жай палатасына бул бизнес-форумга катышууга мүмкүнчүлүк бергендиги үчүн ыраазычылык билдирет!