Кыргыз Республикасында ак ниет ишкерлердин реестрин талкуулоо боюнча тегерек стол

2023-жылдын 06 -июнунда LEXL юридикалык фирмасы Кыргыз Республикасындагы Америка соода палатасынын мүчөсү болуу менен, Америка соода палатасынын “Диалог аркылуу бизнести өнүктүрүү жана ишкердикке колдоо көрсөтүү” долбоорунун алкактарында Кыргыз Республикасында ак ниет ишкерлердин реестрин талкуулоого арналган тегерек столдун катышуучусу болду. Бул иш чара Кыргыз Республикасынын Экономика жана коммерция министрлигинин чоң залында болуп өттү.

Тегерек столдун ишине Кыргыз Республикасынын Соода -өнөр жай палатасынын Төрагасы Сариев Темир Аргембаевич, Кыргыз Республикасынын Экономика жана коммерция министринин орун басары Усенбекова Айнура Доктурбаевна, Кыргыз Республикасындагы Америка соода палатасынын Аткаруучу директору Дастан Иманалиев, Кыргыз Республикасындагы Америка соода палатасынын мүчөлөрү жана шериктештери, бизнес-коомдоштуктардын өкүлдөрү катышты.

Катышуучулар Кыргыз Республикасынын Министрлер Кабинетинин 26-декабрь 2022-жылдагы № 715 Токтому менен бекитилген, ишкердикке дем берүүгө, мындай субьекттер үчүн бир катар преференцияларды түзүү жолу менен Кыргыз Республикасынын салык жана эмгек мыйзамдарын ачык жана так сактоого багытталган Кыргыз Республикасынын ак ниет ишкерлеринин реестрин жүргүзүү жөнүндө Жобону (мындан ары- “Жобо”) карап чыгышты.

Талкуунун жүрүшүндө Жободогу өзгөртүүлөрдү жана толуктоолорду талап кылуучу негизги моменттер белгиленди. Алып айтканда, бизнестин өкүлдөрү ишкерлердин ар кандай топторун (кичи, орто жана ири ишканалар) “ак ниет ишкер” категориясына киргизүүгө карата критерийлерди тактоого, ошондой эле “ак ниет” статусун алган ишкерлер үчүн каралган артыкчылыктардын тизмесин тактоого жана кеңейтүү мүмкүндүгүнө карата суроолорду беришти жана өз сунуштарын айтышты. Бизнес -коомдоштуктун чыгып сүйлөгөн өкүлдөрүнүн пикирлери боюнча Кыргыз Республикасынын Министрлер Кабинети кабыл алган Жобонун редакциясында ишкерлерди ак ниеттүүлүккө киргизүү боюнча бир катар критерийлер кичи бизнеске туура келбейт. Ал эми сунуш кылынган артыкчылыктардын айрымдары кеңири чечмелөөгө жол берет, бул болсо аларды колдонуу практикасында терс кесепеттерди пайда кылышы мүмкүн.

Кыргыз Республикасынын Соода -өнөр жай палатасынын Төрагасы Сариев Т. А. жана Кыргыз Республикасынын Экономика жана коммерция министринин орун басары Усенбекова А. Д. Берилген суроолорго жооп беришти жана Жобого өзгөртүүлөрдү жана толуктоолорду киргизүү боюнча бизнес-коомдоштуктардын сунуштары ушул ченемдик-укуктук актыда чагылдырыла тургандыгын белгилешти.

LEX юридикалык фирмасы Кыргыз Республикасындагы Америка соода палатасына ушул иш чарага тарткандыгы жана катышууга мүмкүнчүлүк бергендиги үчүн чоң ыраазычылыкты билдирет, анткени биз мамлекеттеги бизнес-чөйрөнүн жашоо ишмердигиндеги механизмдерди жакшырта ала турган укуктук реформаларга дайыма кызыкдарбыз.