Юристтердин күнүнүн урматына Шахмат боюнча ар жылдык турнир 2023

Мурдатан калыптанып калган салт боюнча 2023-жылдын 23-июнунда «EVROPA» мейманканасында LEX Юридикалык фирмасы Кыргыз шахмат союзунун колдоосу менен Юристтердин күнүнө карата жыл сайын өтүүчү шахмат турнирин өткөрдү.

Бул иш-чараны LEX Юридикалык фирмасынын өнөктөшү, аткаруучу директору – Ли Андрей, ошондой эле Кыргыз Шахмат Союзунун аткаруучу директору, Эл аралык арбитр, Эл аралык Шахмат Федерациясынын Арбитрдик комиссиясынын мүчөсү – Дамир Талапкер ачты.

Өзүнүн куттуктоо сөзүндө LEX Юридикалык фирмасынын жетекчиси бул турнирдин маанилүүлүгүн белгилеп, ошондой эле «шахмат акыл-эсти жана стратегиялык ой жүгүртүүнү гана өнүктүрбөстөн, жеңишке жана жеңилүүгө спорттук мамиле жасоого үйрөтөт. Муну юристтер үчүн гана эмес, ар бир адам үчүн үйрөнүү маанилүү, анткени биздин бүткүл жашообуз жеңиштерден жана жеңилүүлөрдөн турат, биз аны татыктуу кабыл ала билишибиз керек» деп баса белгиледи. Катышуучуларга жеңиш жана ийгилик каалап, ФИДЕнин арбитри Нурдин уулу Сардарбектин жетекчилиги астында турнирде оюн эрежелеринин сакталышын көзөмөлдөгөн калыстар тобу чүчү кулак кармоого өттү.

Турнир швейцариялык система боюнча 7 раундда, ар бир партияга 10 мүнөт убакытты көзөмөлдөө менен, оюнчулардын ар бир жүрүшү үчүн 2 секунд кошуп берүү менен өткөрүлдү.

Турнирдин жыйынтыгында байге орундары төмөндөгүдөй бөлүштүрүлдү:

• 1-орун – Усенбаев Данияр;
• 2-орун - Суеркулов Байтемир;
• 3-орун - Данияров Элдар.

«Аялдар арасындагы мыкты оюн» номинациясынын жеңүүчүсү Максатбек кызы Токтайым болду.

LEX Юридикалык фирмасынын өкүлдөрү жеңүүчүлөрдү кубок, грамоталар жана баалуу байгелер менен сыйлады, анын ичинде Maximum фитнес клубуна бир айлык абонемент, улуттук стилдеги шахмат, биздин өнөктөштөрүбүздөн фирмалык продуккция жана китептер болду.

LEX Юридикалык фирмасы бардык катышуучуларга, ошондой эле Кыргызстан Шахмат Союзу, «ARCUS» басма үйү, «MAIL BOXES ETC» бизнес кызматтарынын борбору, «Кыргызстан