«Санариптик укук: актуалдуу көйгөйлөр»

LEX юридикалык фирмасы «Digital CASA – Кыргызстан» долбоорун ишке ашыруунун алкагында 9-10-июнь күндөрү Ысык-Көлдө (Ысык-Көл облусунун Чок-Тал айылында) өткөн «Санариптик укук: актуалдуу көйгөйлөр» темасында «Кыргызстандын юристтери» ассоциациясынын мүчөсү катары Эл аралык илимий-практикалык конференциянын катышуучусу болду.

Конференцияга Орусия Федерациясынан, Кыргызстандан, Өзбекстандан, Казакстандан, Армениядан санариптик укук жаатындагы жогорку квалификациялуу адистер жана изилдөөчүлөр катышты. Чакырылган эксперттердин арасында практик юристтер, бейтарап соттор, ЖОЖдун окутуучулары, анын ичинде О.Е. Кутафин атындагы Москва мамлекеттик юридикалык университети (МГЮА), Орусия Федерациясынын Өкмөтүнө караштуу Финансы университети, Санкт-Петербург мамлекеттик университети, ошондой эле КМШ өлкөлөрүнүн жана башка өлкөлөрдүн юристтеринин ассоциациялары жана бирикмелери болгон.

Конференция санариптик укукка байланыштуу маанилүү маселелерди кеңири талкуулоого шарт тузуп берди. Катышуучулар докладдарды окушту, панелдик талкууларды өткөрүштү жана тажрыйба алмашышты. анариптик мыйзамдарды өнүктүрүү боюнча эл аралык консорциумдун командасы катышуучуларга Санарип кодексинин долбоорун тааныштырды, Кыргыз Республикасында санариптик мыйзамдарды өнүктүрүүнүн келечеги, Санариптик мыйзам долбоорунда сунушталган санариптик маалыматтарды иштеп чыгуунун өзгөчөлүктөрү жана укуктук негиздери, виртуалдык мейкиндиктеги (мета аалам) реалдуу укуктун аракети, жасалма интеллектти жөнгө салуу жөнүндө айтып берди.

Конференция санариптик укук жаатындагы эл аралык кызматташуу маселелерин талкуулоого түрткү болду. Катышуучулар Кыргыз Республикасынын эксперттер тобу, анын ичинде Орусия Федерациясынын академиялык жана илимий чөйрөлөрү тарабынан иштелип чыккан Санариптик кодекстин долбоорун талкуулоого, технологиялык мыйзамдарды кодификациялоо боюнча Кыргызстандын тажрыйбасы менен таанышууга, технологиялык мыйзамдарды кодификациялоонун ыкмаларына, жөнгө салууда колдонулган принциптер жана ыкмалар боюнча талкуулоого кызыгуучулуктарын көрсөтушту. Мыйзамдарды шайкеш келтирүү жана санариптик чөйрөнү жөнгө салуунун бирдиктүү методологиясын түзүү маселелери каралды.

Эл аралык илимий-практикалык конференциянын алкагында санариптик чөйрөнү укуктук жөнгө салуунун актуалдуу маселелерин талкуулоо санариптик укук жаатындагы абройлуу эксперттер менен практиктердин ортосунда билим, тажрыйба жана идеяларды алмашууга өбөлгө түздү, кызматташтыкты түзүү жана санариптик укук жаатында жаңы ыкмаларды иштеп чыгуу үчүн жагымдуу аянтча болду.

LEX юридикалык фирмасы конференциянын уюштуруучуларына: «Кыргызстандын юристтери» ассоциациясына, Эл аралык юристтер союзуна, Кыргыз Республикасынын соода-өнөр жай палатасынын алдындагы эл аралык бейтарап сот жана «Интернет саясатынын элдик демилгеси» коомдук фондуна терең ыраазычылык билдирет.