IBC Meetup форматында ЭИК мүчөлөрүнүн формалдуу эмес жолугушуусу

2023-жылдын 2-ноябрында LEX юристтери Ассоциациянын жаңы мүчөлөрүн тааныштыруу, B2B форматында формалдуу эмес жолугушууну өткөрүү жана жаңы мүчөлөрдүн өкүлдөрүнүн спикер катары чыгып сүйлөөсүн уюштурууга арналган IBC Meetup формалдуу эмес жолугушуусуна катышышты.

Бул IBC Meetup жолугушуусу - бизнес коомчулугунун мүчөлөрүнүн ортосунда пикир алышуу жана тажрыйба алмашуу, сүйлөшүүлөрдү жүргүзүү, биргелешкен пландарды талкуулоо, жаңы таанышуулар, мындан аркы жолугушууларды жана кызматташтыкты пландаштыруу, ошондой эле бизнести өнүктүрүү маселелери боюнча пикир алмашуу үчүн аянтча болуп саналат.

Иш-чарага ар кандай бизнес секторлорунун өкүлдөрү катышты, алар:

«Норма Серт» ЖЧК – сертификаттоо боюнча аккредиттелген орган, ЕАЭБ органдарынын тиешелүү реестринде турат;

«Дос-Кредобанк» ААКсы Кыргыз Республикасынын банктык кызмат көрсөтүү рыногунда 25 жылдан ашык ийгиликтүү иш алып барууда, Борбордук Азияда «Бир алкак – бир жол» демилгесинин алкагында Жашыл инвестициялык принциптерге кол койгон биринчи банк;

"Би- Глобал ЛТД" ЖЧКсы - Кыргыз Республикасынан жана Борбордук Азиянын башка өлкөлөрүнөн келген ишкерлер, бизнес ээлери жана компаниялардын жетекчилери үчүн дүйнө жүзү боюнча инновациялык бизнес-турларды өткөрөт;

Өздөрүнүн тажрыйбасы жана кызматтарынын презентациясы менен «Норма Серт» ЖЧКсы , «Би- Глобал ЛТД» ЖЧКсы чыгып сүйлөштү.

Расмий бөлүктөн кийин италия жана француз шараптарын татып көрүү жана сомельенин маалыматы менен расмий эмес баарлашууга убакыт келди. Салтанат президенттик "Манас" камералык оркестринин квартетинин слайддары жана классикалык музыкасы менен коштолду.