“ЖИА Бизнес Ассоциациясынын резиденттеринин жолугушуусу жана Улуттук иш-аракеттер планынын компоненти – “Адам укуктарын сактоо үчүн бизнестин жоопкерчилиги” темасын талкуулоо боюнча тегерек стол

2023-жылдын 28-ноябрында Кыргыз Республикасындагы ЖИА Бизнес Ассоциациясынын мүчөсү болгон LEX Юридикалык фирмасы ЖИА Бизнес Ассоциациясынын резиденттеринин жолугушуусуна жана Улуттук иш-аракеттер планынын компонентин «Адам укуктарын сактоо боюнча бизнестин жоопкерчилиги» талкуулоого арналган тегерек столго катышты. Бул иш-чара «Novotel» отелинде болуп өттү.

Тегерек столго ЖИА Бизнес Ассоциациясынын аткаруучу директору – Аззамбек Жээнбай уулу, ЖИАнын резиденттери менен иштөө бөлүмүнүн башчысы – Мунара Мураталиева, ЖИАнын аймактык кеңешинин мүчөсү – Гульнара Сатыбалдиева, ЖИАнын аймактык мүчөсү - Назгуль Караева, ЖИАнын укуктук камсыздоо бөлүмүнүн башчысы – Бакытбек Сартмаметов, Кыргыз Республикасындагы ЖИА Бизнес Ассоциациясынын мүчөлөрү – 30га жакын мекеме-уюмдардын жана жеке ишкерлердин ар кайсы тармактагы чакан, орто жана ири бизнес өкүлдөрү (тигүү цехтери, тамак-аш азыктары, курулуш материалдарын чыгаруу, имараттарды жана курулуштарды куруу жана башкалар) республиканын бардык аймактарынан өкүлдөр катышышты.

Катышуучулар бизнестин адам укуктарын коргоо милдеттери жаатындагы иш – аракеттердин улуттук планынын долбоорун карап чыгышты (мындан ары - "долбоор"). Аталган планды кабыл алуу Кыргыз Республикасынын Бириккен Улуттар уюмунун алкагындагы эл аралык милдеттенмелерин аткарууга жана эл аралык аренадагы республикабыздын деңгээлин жогорулатууга багытталган.

Талкуунун жүрүшүндө долбоордогу өзгөртүүлөрдү жана жакшыртууну талап кылган негизги пункттар аныкталды. Тактап айтканда, бизнес өкүлдөрү тарабынан долбоордо чагылдырылган айрым мекемелердин статусун тактоо боюнча суроолор берилип, сунуштар айтылды. Мисалы, долбоорго ылайык адам укуктарын (негизинен кызматкердин жана/же керектөөчүнүн) коргоого багытталган корпоративдик башкаруу кодекси рекомендациялоочу же милдеттүү мүнөзгө ээ болобу. Ошондой эле, тегерек столдун катышуучулары компанияда корпоративдик башкаруу кодексинин бар-жоктугун жана анын адам укуктарын коргоого ылайыктуулугун кантип жана кайсы мамлекеттик орган текшере тургандыгы, ошондой эле долбоорду талкуулоодо пайда болгон башка маселелер кызыктырды.

Чыгып сүйлөгөн бизнес-коомчулуктун өкүлдөрүнүн пикири боюнча, долбоордун талкуулоо үчүн сунушталган редакциясында колдонуудагы ченемдик укуктук актыларда (Конституцияда, Эмгек кодексинде ж.б.) бар болгон бир катар карама-каршылыктар жана жоболор, ошондой эле декларативдүү мүнөзгө ээ болгон жана практикада дээрлик ишке ашырылбаган ченемдер бар.

ЖИАнын укуктук камсыздоо бөлүмүнүн башчысы Бакытбек Сармаметов жана адам укуктарын коргоо боюнча бизнестин милдеттери чөйрөсүндө Улуттук иш-аракеттер планынын долбоорун иштеп чыгуучулардын бири болгон «Адилет» укуктук клиникасы» коомдук фондунун өкүлү, коюлган суроолорго жооп берип, долбоорго өзгөртүүлөрдү жана толуктоолорду киргизүү боюнча бизнес-коомчулуктун сунуштары бул ченемдик-укуктук актыда чагылдырыла тургандыгын белгиледи.

LEX Юридикалык фирмасы Кыргыз Республикасындагы ЖИА Бизнес Ассоциациясына бул иш-чарага катышууга мүмкүнчүлүк бергендиги үчүн терең ыраазычылыгын билдирет, анткени биз мамлекетте адам укуктарын коргоо деңгээлин жогорулатууга мүмкүн болгон укуктук реформаларга ар дайым кызыкдарбы