Кыргыз Республикасы менен Германия Федеративдүү Республикасынын ишкерлеринин В2В жолугушуусу

2024-жылдын 24-сентябрында Кыргыз Республикасынын Соода-өнөр жай палатасынын Вице-президент Толкунай Таалайбекова өнөктөштөрдү издөө жана ишкер байланыштарды түзүү максатында Башкы директор Олег Прозоров жетектеген Россиядагы Бельгия-Люксембург Соода палатасынын делегациясы менен жолугушуу өткөрдү.

Иш-чара Кыргыз Республикасынын Соода-өнөр жай палатасында өттү. Россиядагы Бельгия-Люксембург Соода-өнөр жай палатасынын делегациясынын курамына курулуш, тамак-аш өнөр жайы, эмерек өндүрүшү, логистика, юридикалык жана каржылык консалтинг тармагындагы ири компаниялардын жетекчилери кирди.

Жолугушууга Кыргыз Республикасынын тарабынан Соода-өнөр жай палатасынын, ошондой эле бизнес коомчулуктун өкүлдөрү катышты.

Сүйлөшүүлөрдүн жүрүшүндө Кыргызстандын логистикалык артыкчылыктары, курулуш секторунун келечеги жана аялдардын ишкердүүлүгүн өнүктүрүү сыяктуу негизги маселелер талкууланды. Тараптар ишенимдүү өнөктөштүк аркылуу ар тараптуу колдоо көрсөтүүгө жана кызматташтыкты бекемдөөгө макулдашышты.

Иш-чаранын катышуучулары бул жолугушуу эки тараптуу мамилелерди чыңдоодо жана Кыргызстан менен Бельгия-Люксембургдун ортосундагы кызматташтык үчүн жаңы мүмкүнчүлүктөрдү ачууда маанилүү кадам болгонун белгилешти.

Бул иш-чарага КР Соода-өнөр жай палатасынын активдүү мүчөсү катары LEX Юридикалык фирмасы катышты.

Жолугушуунун жүрүшүндө LEX Юридикалык фирмасынын өкүлдөрү биздин фирманын компетенциясынын багыттары менен тааныштырып, делегат компаниялардын жетекчилери менен сүйлөшүүлөрдү жүргүзүштү. Натыйжада, LEX Юридикалык фирмасы Бельгиянын жана Люксембургдун өз ара кызыкчылык чөйрөлөрүндөгү бизнес байланыштарын илгерилетүү жана түзүү үчүн жаңы мүмкүнчүлүктөрдү ачты.

LEX Юридикалык фирмасы Кыргыз Республикасынын Соода-өнөр жай палатасына катышкандыгы жана бул иш-чарага катышуу мүмкүнчүлүгү үчүн чоң ыраазычылык билдирет.