Арбитраж практикасында: заманбап бизнес дүйнөсүнүн куралдары

2025-жылдын 27-майында LEX Юридикалык фирмасы Эл аралык бизнес кеңеши (МДС) менен Вена эл аралык арбитраж борбору (VIAC) биргелешип уюштурган «Арбитраж практикасында: заманбап бизнес дүйнөсүнүн куралдары» аттуу иш-чарага катышты. Бул иш-чара Бишкектеги Инновация борборунда өттү.

Өзүнүн саламдашуу сөзүндө МДСтин аткаруучу директору Аскар Сыдыков VIAC делегациясы биринчи жолу Кыргызстанга келип жатканын белгилеп, бул Борбордук Азиянын жана Кыргызстандын дүйнөлүк аренадагы ролун жогорулаткандыкты, талаш-тартыштарды чечүүнүн альтернативдик механизмдеринин, атап айтканда арбитраждык соттордун туруктуу өнүгүүсүн тастыктагандыгын билдирди.

Иш-чаранын негизги бөлүгүн төмөнкү спикерлердин сөз сүйлөөлөрү түздү: Алматыдагы ADVANTAGE AUSTRIA соода өкүлүнүн орун басары Давид Пёльцляйтнер, VIAC Community Ambassador Network тармагын жетектеген директор Эма Поточник, Борбордук Азиядагы Америкалык университеттин доценти, Кыргызстандагы Вена эл аралык арбитраж борборунун (VIAC) арбитраждык элчиси Наталья Аленкина жана Dentons юридикалык фирмасын өнөктөш, «ZanSar» Эксперт-укуктук изилдөөлөр институтунун негиздөөчүсү Айгүл Кенжебаева.

Бизнес өкүлдөрү жана кесиптик юридикалык коомчулук эл аралык практикада арбитраждын артыкчылыктарын, анын бизнес-стратегияларды түзүүдө жана компаниялардын атаандаштыкка жөндөмдүүлүгүн жогорулатууда аткарган ролун талкуулашты.

Суроо-жооп сессиясында спикерлер Борбордук Азияда арбитраждын өнүгүү келечеги тууралуу пикирлерин билдирди жана арбитраждык процесске арбитр катары да, тараптардын өкүлү катары да катышуу боюнча жеке тажрыйбасынан мисалдар келтиришти.

LEX Юридикалык фирмасы Эл аралык бизнес кеңешине жана Вена эл аралык арбитраж борборуна мындай жогорку деңгээлде уюштурулган пайдалуу иш-чарага катышуу мүмкүнчүлүгүн бергендиги үчүн чоң ыраазычылыгын билдирет.