Бизнес-эртең мененки тамак «Өсүүгө багытталган лидер»: лидерликти жана команда менен иштөөдө жаңы ыкмалар

2024-жылдын 20-июнунда LEX Юридикалык фирмасынын өкүлдөрү Эл аралык ишкерлер кеңеши жана El Group Consulting консалтинг компаниясы тарабынан уюштурулган «Өсүүгө багытталган лидер» аттуу бизнес-эртең мененки иш-чарага катышты.

Бул иш-чара заманбап бизнес-чөйрөсүндө лидерлик сапаттарды жана команда менен натыйжалуу иштешүүнү өнүктүрүүнүн жаңы ыкмаларына арналды. Жылуу жана кесипкөй атмосферада катышуучулар компаниялардын өсүшүнө, туруктуулугуна жана жетекчилердин жеке өнүгүшүнө өбөлгө түзгөн заманбап тажрыйбаларды талкуулашты.

Бизнес- эртең мененки тамакта негизги спикер катары сериялық ишкер, лидерлик боюнча автордук программалардын түзүүчүсү жана Нидерландиянын ардактуу консулу Жамиля Иманкулова чыгып сүйлөдү. Практикалык сессиянын алкагында ал өсүүгө болгон ой жүгүртүүнү (Growth mindset) жана негизги лидерлик жөндөмдөрдү өнүктүрүү боюнча инструменттерди сунуштады. Катышуучулар ага таандык иш куралы менен камсыз болушуп, анда текшерүү тизмелери жана кадам-кадам менен колдонулуучу алгоритмдер камтылган.

Иш-чара ошондой эле Эл аралык ишкерлер кеңешинин алкагындагы бизнес-коомчулук менен тажрыйба алмашууга, стратегиялык чечимдерди талкуулоого жана жаңы өнөктөштүк байланыштарды түзүүгө мыкты платформа болду.

LEX Юридикалык фирмасы мазмундуу жана пайдалуу иш-чараны уюштургандыгы үчүн Эл аралык ишкерлер кеңешине жана El Group Consulting компаниясына ыраазычылык билдирет. Мындай жолугушууларга катышуу биз үчүн кесиптик көз карашыбызды кеңейтүүгө жана бизнес-коомчулуктун өкүлдөрү менен кызматташууну чыңдоого мыкты мүмкүнчүлүк болуп саналат.