​Корпоративдик укук

LEX юридикалык фирмасы корпоративдик укук тармагында бай тажрыйбага, теориялык жана практикалык жактан терең билимге ээ.

Биз коммерциялык жана коммерциялык эмес уюмдардын ишмердүүлүгүн жүрүшүндө пайда болгон маселелерди чечүүгө көп тараптуу мамиленин негизинде жеке жана юридикалык жактарга, өз кардарларыбызга бири-бирин толуктоочу кызмат көрсөтүүлөрдүн комплексин сунуштайбыз:

• Кыргыз Республикасында бизнести түзүүдө мыкты уюштуруучулук-укуктук форманы тандоо боюнча консультация берүү;
• коммерциялык жана коммерциялык эмес юридикалык жактардын, алардын филиалдарынын жана өкүлчүлүктөрүнүн уюштуруу документтерин түзүү жана талдоо;
• юридикалык жактарды, алардын филиалдарын жана өкүлчүлүктөрүн каттоо, түзүү жана кайра каттоо боюнча укуктук камсыздоо;
• ишин токтотуу, банкроттук каттоодо юридикалык кызматтарды көрсөтүү;
• юридикалык жактарды кайра уюштуруу (бириктирүү, кошуу, бөлүп чыгаруу, бөлүү, кайра түзүү) маселелери боюнча консультация берүү;
• ар кандай юрисдикцияларда банктык эсептерди ачуу;
• төмөн салык салынуучу аймактарда компаниялардын ачылышы, ошондой эле аларды укуктук колдоо.

Биригүү/алуу

LEX юридикалык фирмасы биригүү жана алуу, чет өлкөлүк жана жергиликтүү компаниялардын бизнесин кайра уюштуруу маселелери боюнча кызмат көрсөтүү жаатында чоң тажрыйбага ээ. Биз компанияларды же активдерди бириктирүү, сатуу жана сатып алуу үчүн толук юридикалык колдоо көрсөтөбүз:

• тараптарынын сүйлөшүүлөрүнө катышуу үчүн зарыл болгон документтердин долбоорлорун даярдоо;
• компанияга/ активге укуктук аудит (due diligence) жүргүзүү;
• компаниянын / активдин статусун же компаниянын ишинин өзгөчөлүгүн, бүтүмдүн максаттарын жана тараптардын алдын ала макулдашууларынын натыйжаларын эске алуу менен бүтүмдү түзүүдө укуктук колдоо көрсөтүү;
• бардык зарыл болгон мамлекеттик жана корпоративдик макулдашууларды жана жактырууларды алуу жол-жоболорун өткөрүү (антимонополия жактыруу, артыкчылыктуу сатып алуу укугунан баш тартуу ж. б.);
• катышуу үлүшүн өткөрүп берүү учурунда укуктук колдоо көрсөтүү жана бул өткөрүп берүүнү каттоо;
• биригүү, алуу же бизнести кайра уюштуруунун башка жол-жоболорун ишке ашырууга байланыштуу келишимдерди жана башка документтерди иштеп чыгуу, талдоо жана укуктук жактан камсыздоо.